Opozita në Malishevë kundër shqyrtimit të kërkesave të Ekzekutivit
Mospajtimet ndërmjet pozitës dhe subjekteve opozitare në Kuvendin e Komunës së Malishevës kanë vazhduar edhe në seancën e fundit të organit më të lartë vendimmarrës lokal, gjë që ka rezultuar edhe njëherë me largimin e anëtarëve të Nismës Socialdemokrate nga seanca.
Këta të fundit kanë lëshuar mbledhjen e XI-të të KK-së së Malishevës, pasi që pjesa e pikave të rendit të ditës, të cilat kanë qenë kërkesa të ardhura nga kryetari i Komunës, Ragip Begaj, janë hequr nga diskutimi. Pavarësisht bojkotit të Nismës, KK-ja në këtë seancë ka miratuar disa vendime, shkruan sot “Koha Ditore”.
Sipas njoftimit të Zyrës komunale për Informim, KK-ja ka miratuar një marrëveshje ndërkomunale e lidhur mes Komunës së Malishevës, Istogut, Klinës dhe Pejës, e që ka të bëjë me menaxhimin e emergjencave.
Kryesuesi i KK-së, Rrahim Morina ka hedhur në votim propozimet për rendin e ditës, ku me shumicë votash është vendosur për largimin e pikave, të cilat kanë qenë kërkesa të ardhura nga kryetari i Komunës. Pas votimit këshilltarët e Nismës dhe përfaqësuesit e Ekzekutivit janë larguar nga salla.
Kryetari Lladrovci përkujtoi dëshmorin, Nystret Halili 14:37 / 03.05.2024 Në 25-vjetorin e rënies së dëshmorit, Nystret Halili, kryetari i Komunës së Drenasit, Ramiz Lladrovci me bashkëpunëtorë, bënë homazhe duke vendosur buqeta me lule të freskëta pranë pllakës përkujtimore në varrezat e dëshmorëve dhe martirëve në...
Kryetari Haliti priti në takim shefin e UNDP-së, Nuno Queiros 14:24 / 03.05.2024 Kryetari i komunës së Vitisë, Sokol Haliti me bashkëpuntorë ka pritur sot në takim shefin e Programit të Kombeve të Bashkuara për Zhvillim (UNDP) në Kosovë, Nuno Queiros.
Kryetari Rama: Spitali i Kryeqytetit po bëhet 10:41 / 03.05.2024 Kryetari i Prishtinës, Perparim Rama, përmes një postimi në rrjetet sociale, ka njoftuar se sot, ka zhvilluar një takim ku është diskutuar rreth detajeve finale të projektit të Spitalit të Kryeqytetit.
Hapet Dyqani i Parë Social në Kryeqytet 16:57 / 03.05.2024 Kryetari i Prishtinës, Perparim Rama, ka njoftuar se tashmë kanë hapur edhe Dyqanin e Parë Social në Kryeqytet, ku qytetarët në nevojë do të kenë mundësinë të furnizohen falas me produkte ushqimore dhe higjienike.