Organizata gjermane mbështet 35 biznese për zhvilllim në Istog
Komuna e Istogut thërret bizneset për aplkim në projektin e organizatës gjermane "Help-Hilfe zur Selbsthilfe", e cila mbështet zhvillimin lokal.
Në njoftimin e komunës thuhet projekti “Mbështetje e stabilitetit socio-ekonomik në rajonin e Ballkanit Perëndimor”, marrëveshje kjo në mes Komunës së Istogut dhe Organizatës "Help-Hilfe zur Selbsthilfe" i financuar nga qeveria gjermane dhe komuna e Istogut ka për qëllim mbështetjen arsimore dhe ekonomike për zhvillimin lokal, transmeton InfoKomuna.
Në kuadër të projektit në Komunën e Istogut të paktën 35 biznese do të mbështetën në synimet e tyre për të filluar ose zhvilluar biznes.
Mbështetja do të përfshijë:
1) Donacion i Pajisjeve në vlerë mesatare prej 2,000 €,
2) Organizimin e biznesit dhe trajnime profesionale sipas nevojave të klientëve,
3) Monitorimin e bizneseve të mbështetura.
Sesioni i parë informues është më 06.02.2018 ditë e (martë) nga ora 14:00 në Sallën e Kuvendit Komunal dhe më 13.02.2018 po ashtu ditë e (martë) duke filluar nga ora 14:00 në Sallën e Kuvendit Komunal. /InfoKomuna/