Parkingjet nëntokësore të planifikuara nga Shaqir Totaj

“Pos shumë projekteve të tjera, të parapara të realizohen në Prizren, gjatë mandatit të Shaqir Totajt janë edhe parkingjet e reja nëntokësore, në tri lokacione të rëndësishme, në hyrje të qytetit”, tregon Qazim Morina, anëtar i ekipit të Totajt.

“Garazhi trekatësh, afër stacionit të autobusëve, ai në lagjen “Bazhdarhane” dhe garazhi në lagjen “Bajram Curri”, të cilët parashihet të kenë mbi 2.000 vende do t’u ngjajnë projekteve perëndimore”.

“Ato, jo vetëm do ta heqin dilemën e vozitësve, por edhe do ta shkarkojnë trafikun brenda qytetit, e sidomos brenda zonës së parë, pjesës historike. Tiketa e parkimit të veturës në vende të sigurta, shoferëve do t’u vlejë edhe si biletë e autobusit urban”.

“Realizimi i projekteve do të hap shumë vende të reja pune”.

“Prizreni do të marrë “frymë” më lirisht nga automjetet. Do të ketë më pak ngarkesa në qarkullimin e automjeteve, ndërsa kjo do ta bëjë qytet më ekologjik”.