Prizren, godet këmbësoren dhe largohet, policia kap të dyshuarin
PrizrenPostuar: 13:13 / 12.02.2019
Policia e Kosovës ka arrestuar një person në Prizren pasi i njëjti derisa ishte duke drejtuar veturën e tij, në vendkalimin për këmbësorë ka goditur një këmbësore dhe është larguar nga vendi i ngjarjes.
Ngjarja ka ndodhur mbrëmjen e së hënës në rrugën “Tirana” në Prizren, ku i dyshuari ka goditur këmbësoren dhe ka ikur nga vendi i ngjarjes. Si pasojë e kësaj, viktima ka pësuar lëndime të rënda trupore dhe është duke marrë trajtim mjekësor.
I dyshuari, pas intervistimit është dërguar në mbajtje me vendim të prokurorit.