Projekti i Pendës së Dragaçinës i prezantohet Bankës Botërore
Komuna e Suharekës të mërkurën ka njoftuar se projekti i Pendës së Dragaçinës është prezantuar para përfaqësuesve të Bankës Botërore. Sipas njoftimit të Zyrës për Informim, në këtë takim kanë marrë pjesë edhe zëvendëskryeministri i Kosovës, Enver Hoxhaj, deputeti i Kuvendit të Kosovës, Blerim Kuçi, dhe zyrtarë të tjerë.
“Projekti i Pendës së Dragaçinës, i cili është me rëndësi jetike për banorët e Komunës së Suharekës dhe i cili ka marrë mbështetjen edhe të Qeverisës së Kosovës, sot është prezantuar para përfaqësuesve të Bankës Botërore”, thuhet në njoftimin e ZI-së. Aty theksohet se kryetari i Komunës së Suharekës, Bali Muharremaj, ka folur për rëndësinë që ka ky projekt në sigurimin e ujit të pijes për qytetin dhe shumë fshatra të kësaj komune, sikurse edhe zhvillimin ekonomik, shkruan sot Koha Ditore.
“Ky projekt përveçqë siguron ujin për Komunën e Suharekës, avancon ekonominë tonë, energjinë, turizmin dhe sektorin e bujqësisë. Jam i angazhuar që të bashkëpunoj me të gjithë që ky projekt të realizohet në të ardhmen”, ka thënë Muharremaj, përcjell ZI.
Nënshkruhet marrëveshja për zgjerimin e rrugës, urave dhe strukturave në segmentin Lëbushë - Qendra e Strellcit 18:12 / 29.04.2024 Sot, kryetari i komunës së Deçanit, Bashkim Ramosaj priti në takim Ministrin e Ministrisë së Mjedisit, Planifikimit Hapësinor dhe Infrastrukturës, Hysen Durmishi.
Besnik Tahiri vlerësohet si deputeti më aktiv i Kuvendit të Kosovës 15:48 / 27.04.2024 Shefi i Grupit Parlamentar të AAK-së, Besnik Tahiri, është vlerësuar si deputeti më aktiv i Kuvendit të Kosovës.