Tahiri: Të largohet balotazhi
Besnik Tahiri, ekspert i pushtetit lokal në Rubikon të KTV-së, insistoi në nevojën për ndryshim te sistemit për zgjedhje lokale në vend.
Kjo nënkupton largimin e raundit të dytë të zgjedhjeve - balotazhit.
“Largimi i balotazhit nënkupton dobësimin e partive më te vogla. Në qoftë se e shohim në mënyrë ma reale numrin e votuesve atëherë shohim se ky numër është i fryrë, nuk është real”, ka thënë ai.
Tahiri, ish-kandidat për të parin e Prishtinës, shpjegoi se si do te dukeshin zgjedhjet pa raundin e dytë.
“Atëherë kur dihet se nuk ka raund të dytë, partitë mund t’i bëjnë koalicionet në raundin e parë dhe qytetarët do të njohin kandidatët e tyre dhe koalicionet”, ka thënë Tahiri. “Kur po shkojmë në balotazh po kemi koalicione në mes të partive të cilat lidhen për ndarjen e pushtetit dhe jo harmonizimit të programit, çka i bie se roli i kryetarit po minimizohet shumë”.
“E para nuk po ka ndryshim të madh dhe e dyta po shpenzohet buxhet, e treta nuk po mund ta ndash kohën prej raundit të parë dhe e katërta është se po lidhen koalicionet edhe pse në raundin e parë po bëhen kërsh mes vete e pastaj bashkohen”, sqaroi Tahiri.