Vitia shënon Ditën Botërore të Diabetit
Komuna e Vitisë, konkretisht Qendra Kryesore e Mjekësisë Familjare (QKMF) në Viti, ka shënuar sot Ditën Botërore e Diabetit. Me këtë rast një ekip i QKMF-së, në qendër të qytetit të Vitisë, ka shpërndarë fletushka informative mbi këtë sëmundje si dhe kanë bërë matjen e sheqerit në gjak.
Me këtë rast ekipin i cili po merrej me këtë aktivitet e kanë vizituar Drejtori për Shëndetësi dhe Mirëqenie Sociale, Basri Aliu dhe Drejtoresha e QKMF-së, Vjollca Kadolli – Halili.
Drejtoresha e Kadolli-Halili potencoi se kjo komunë po vazhdon me shënimin e ditëve të ndryshme të shëndetësisë me qëllim që qytetarët vitias të njoftohen rreth sëmundjeve të ndryshme dhe parandalimin e pasojave.
Ajo gjithashtu pati edhe disa këshilla për personat me diabet.
”Këshillojmë pacientet me diabet që të kontrollojnë peshën e tyre, të bëjnë kufizimin e sheqernave të rafinuara si dhe të rrisin konsumin e sasisë së fibrave në dietë dhe të këshillohen me mjekun. Megjithatë në këtë ditë ne kemi hapur edhe një zyre këshillimore në QKMF-në e Vitisë, ku qytetarët që vuajnë nga diabeti do mund të marrin informacione falas mbi trajtimin e duhur ndaj kësaj sëmundje”, u shpreh Drejtoresha Kadolli-Halili.
Përndryshe sipas Federatës Ndërkombëtare të Diabetit rreth 387 milionë njerëz janë të prekur me diabet ku pritet sipas tyre numri i tyre mund të arrijë deri në 600 milionë dhe atë deri në vitin 2035. /InfoKomuna/
Kryetari Haliti priti në takim shefin e UNDP-së, Nuno Queiros 14:24 / 03.05.2024 Kryetari i komunës së Vitisë, Sokol Haliti me bashkëpuntorë ka pritur sot në takim shefin e Programit të Kombeve të Bashkuara për Zhvillim (UNDP) në Kosovë, Nuno Queiros.
Nënshkruhet projekti për ndërtimin e qëndrimit ditor për të moshuarit, kuzhinën popullore dhe bujtinën për studentë në Gjilan 17:03 / 03.05.2024 Kryetari i Komunës së Gjilanit, Alban Hyseni, ka njoftuar se së bashku me Halil Kastratin nga shoqata “Jetimat e Ballkanit” kanë nënshkruar projektin për ndërtimin e qëndrimit ditor për të moshuarit, kuzhinën popullore dhe bujtinën për studentë.
Kryetari Muharremaj nderoi Heroin e Kosovës, Besim Ndrecaj 14:33 / 03.05.2024 Kryetari i Komunës së Suharekës, Bali Muharremaj, bashkë më bashkëpunëtorë të tjerë komunal, kanë bërë homazhe para shtatores së Heroit të Kosovës Besim Ndrecaj, sot në përvjetorin e rënies. 
Kryetari Rama: Spitali i Kryeqytetit po bëhet 10:41 / 03.05.2024 Kryetari i Prishtinës, Perparim Rama, përmes një postimi në rrjetet sociale, ka njoftuar se sot, ka zhvilluar një takim ku është diskutuar rreth detajeve finale të projektit të Spitalit të Kryeqytetit.