Përurohen punimet në segmentin Milloshevë – Mitrovicë
Jemi bashkuar për një vazhdim të një projekti, në të cilin është bërë një punë shumë e mirë ekipore, në mes të Ministrisë së Financave dhe Ministrisë së Infrastrukturës, në mënyrë që ta rishohim në dritë një projekt që ka pasur një pauzë të caktuar, por që tani po bëhet realitet. Kështu tha Kryeministri i Republikës së Kosovës, Ramush Haradinaj, në ceremoninë e përurimit të punimeve të segmentit Smrekovnicë-Gojbulë, të autostradës Prishtinë-Mitrovicë, rrugë kjo që mbanë emrat e heronjve Zahir Pajaziti, Hakif Zejnullahu dhe Edmond Hoxha.
Duke uruar Komunën e Vushtrrisë dhe atë të Mitrovicës, Haradinaj tha se përurimi i punimeve të këtij segmentit, është lajm i mirë për ekonominë e vendit.
“Ky lajm po vjen në të njëjtën kohë me lajmin e mirë të aktivizimit të Trepçës. Bordi i ri e ka finalizuar statutin dhe tani do të vazhdojmë me etapa të tjera, të krijimit të strukturave menaxheriale”, tha ai.
Në këtë ceremoni i pranishëm ishte edhe presidenti Hashim Thaçi, i cili këtë rrugë e cilësoi si një nga projektet më të rëndësishme të Republikës së Kosovës, duke thënë se qasja e Qeverisë për të vazhduar fuqishëm me modernizimin e infrastrukturës në tërë hapësirat e Kosovës, është qasje që i duhet Kosovës, shtetit dhe qytetarëve.
“Qasja e Qeverisë së Republikës së Kosovës për të vazhduar fuqishëm me rregullimin e infrastrukturës dhe me modernizimin e saj në tërë hapësirat e Republikës së Kosovës është një qasje që i duhet Kosovës, i duhet shtetit, i duhet qytetarëve, që ndryshon pamjen e vendit, e modernizon dhe definitivisht i jep pamjen evropiane Republikës së Kosovës”, u shpreh ai.
Kryetari i Kuvendit, Kadri Veseli tha se ky është një nga segmentet më me rendësi në Republikën e Kosovës, që e lidhë Prishtinën me Vushtrrinë dhe Mitrovicën, por edhe Kosovën dhe rajonin.
“Infrastruktura është bazament për të pasur zhvillim cilësor ekonomik”, tha kryetari Veseli.
Për ministrin e Infrastrukturës, Pal Lekaj, kjo rrugë po ndërtohet me të gjithë strukturën moderne të nevojshme për një rrugë.
Ndërkaq, ministri i Financave, Bedri Hamza, tha se konstruksioni financiar i kësaj rruge është i sigurt deri në Mitrovicë, por qëllimi është që kjo të vazhdojë deri në kufi të Kosovës me qëllim që të lidhet me korridoret tjera.
Nga ana tjetër, kryetari i Vushtrrisë, Xhafer Tahiri, tha se ky segment rrugor do të hapë rrugë për zhvillim ekonomik dhe bujqësor.
Autorruga Prishtinë-Mitrovicë do të mbajë emrat e heronjve Zahir Pajaziti, Hakif Zejnullahu dhe Edmond Hoxha. Kjo rrugë është një nga arteriet kryesore e Republikës së Kosovës dhe është pjesë e drejtimit rrugor në kuadër të rrjetit bazik të transportit të Evropës Juglindore. Investimet kapin vlerën 2 milionë euro për 5 kilometra. Rruga do t’i ketë edhe dy pjesë tjera. /InfoKomuna/
Nënshkruhet marrëveshja për zgjerimin e rrugës, urave dhe strukturave në segmentin Lëbushë - Qendra e Strellcit 18:12 / 29.04.2024 Sot, kryetari i komunës së Deçanit, Bashkim Ramosaj priti në takim Ministrin e Ministrisë së Mjedisit, Planifikimit Hapësinor dhe Infrastrukturës, Hysen Durmishi.
Kryetari Haliti priti në takim shefin e UNDP-së, Nuno Queiros 14:24 / 03.05.2024 Kryetari i komunës së Vitisë, Sokol Haliti me bashkëpuntorë ka pritur sot në takim shefin e Programit të Kombeve të Bashkuara për Zhvillim (UNDP) në Kosovë, Nuno Queiros.
Kryetari Lladrovci përkujtoi dëshmorin, Nystret Halili 14:37 / 03.05.2024 Në 25-vjetorin e rënies së dëshmorit, Nystret Halili, kryetari i Komunës së Drenasit, Ramiz Lladrovci me bashkëpunëtorë, bënë homazhe duke vendosur buqeta me lule të freskëta pranë pllakës përkujtimore në varrezat e dëshmorëve dhe martirëve në...
Kryetari Rama: Spitali i Kryeqytetit po bëhet 10:41 / 03.05.2024 Kryetari i Prishtinës, Perparim Rama, përmes një postimi në rrjetet sociale, ka njoftuar se sot, ka zhvilluar një takim ku është diskutuar rreth detajeve finale të projektit të Spitalit të Kryeqytetit.